బహదూర్ పురాలో జనంబాట

నగరంలోని పేదలకు హైడ్రా అన్యాయం చేస్తామంటే ఎట్టి పరిస్థితుల్లో అంగీకరించేది లేదని తెలంగాణ జాగృతి అధ్యక్షురాలు కల్వకుంట్ల కవిత స్పష్టం చేశారు. జాగృతి జనంబాట కార్యక్రమంలో భాగంగా శనివారం బహదూర్ పుర నియోజకవర్గంలోని ఎన్ఎం గూడలో పర్యటించారు. స్థానికులతో సమావేశమై సమస్యలు తెలుసుకున్నారు.  ఈ సందర్భంగా ఆమె మాట్లాడుతూ  కిషన్ బాగ్ లో పేదల ఇళ్లను కూల్చేందుకు హైడ్రా ప్రయత్నం చేస్తున్నట్లు తెలిసిందన్నారు. ఇక్కడి నాలుగు ఇళ్లకు మార్క్ కూడా చేశారని తెలిసిందన్నారు. చెరువులను కాపాడాలనుకుంటే పేదలకు ప్రత్యామ్నాయంగా ఇళ్లను ఇవ్వాలని కవిత డిమాండ్ చేశారు. 

ఇక్కడ పేద ప్రజలు చాలా మందికి ఇళ్లు లేవని కవిత చెప్పారు. భర్త చనిపోయిన స్త్రీలకు పదేళ్లుగా పెన్షన్ రావటం లేదని తెలిపారు. ఎన్ఎం గూడలో లోన్లు కూడా రావటం లేదని ప్రజలు చెబుతున్నారన్నారు. 

ప్రభుత్వం స్పెషల్ డ్రైవ్ ఏర్పాటు చేసి పెన్షన్లు, లోన్లు వచ్చే ఏర్పాట్లు చేయాలని కోరారు. హైదరాబాద్ లో ఎక్కడికి వెళ్లినా సరే ప్రజలు రోడ్లు, మురుగు నీళ్లు, డ్రైనేజీ సమస్యలు చెబుతున్నారని వివరించారు. ఈ సమస్యలను తీర్చేందుకు ప్రభుత్వం ప్రత్యేక చర్యలు చేపట్టాలని డిమాండ్ చేశారు.

The post ప్రత్యామ్నాయం చూపి ఇండ్లు కూల్చండి appeared first on Telangana Jagruthi.

బాపూజీకి ఇచ్చే గౌరవం ఇదేనా (కార్వాన్)

మహిళలకు ఫ్రీ బస్ సౌకర్యం కల్పించిన రేవంత్ సర్కార్ ఆటోవాలాలకు ఇచ్చిన హామీని మాత్రం విస్మరించిందని తెలంగాణ జాగృతి అధ్యక్షురాలు కల్వకుంట్ల కవిత అన్నారు. అలాగే మహాత్మా బాపూజీకి భారీ విగ్రహం ఏర్పాటు చేస్తామని చెప్పిన సీఎం లు కేసీఆర్, రేవంత్ మాట నిలుపుకోలేదని విమర్శించారు. జాగృతి జనంబాటలో భాగంగా హైదరాబాద్ జిల్లాలోని బహదూర్ పురా, కార్వాన్, చాంద్రాయణ గుట్ట నియోజకవర్గాల్లో శనివారం ఆమె పర్యటించారు. బాపూ ఘాట్ నుంచి లంగర్ హౌస్ వరకు కవిత ఆటోలో ప్రయాణించారు. ఈ సందర్భంగా కవిత మాట్లాడారు.

“కార్వాన్ లో బాపూఘాట్ ఉంది. ఇక్కడే ఈసా, మూసీ నది ల  త్రివేణి సంగమం ఉంది. అలాంటి బాపు ఘాట్ డ్రగ్సుకు, అసాంఘిక కార్యకలాపాలకు అడ్డాగా మారింది. దీని మీద పోలీసులు, ప్రభుత్వం దృష్టి పెట్టాలి. ఆనాడు 150 అడుగుల గాంధీ విగ్రహాన్ని కేసీఆర్ పెడతామని చెప్పారు. 

ఆ తర్వాత రేవంత్ రెడ్డి కూడా విగ్రహాన్ని పెడతామని అన్నారు. కానీ ఇద్దరు చేయలేదు. ఈ ప్రభుత్వమైనా బాపు ఘాట్ ను అభివృద్ధి చేసేందుకు చర్యలు తీసుకోవాలి.”

కుక్కలు, క్రైమ్, గంజాయి, డ్రగ్స్ సమస్య తీవ్రం

“మీర్ హుస్సేనీ దర్గా  ఇక్కడ చాలా పాపులర్. మేము ఆటోలో ఇక్కడకు వచ్చాం. ఆటోవాలాల కష్టాలు ప్రభుత్వం దృష్టిలో పడాలని అలా వచ్చాం. ఫ్రీ బస్ వచ్చాక ఆటోవాలాలకు ఇబ్బందిగా మారింది. వారికి ఇస్తామన్న రూ. 12 వేలు ఇవ్వాలి. అదే విధంగా వెల్ఫేర్ బోర్డు పెట్టాలి. 

సిటీలో ప్రయాణం చేసేందుకు ఆటోలు చాలా ముఖ్యం. కానీ వారికి ఆటోలు పెట్టేకునేందుకు ఆటో స్టాండ్లు కూడా లేవు. 

అటు హైదరాబాద్ లో నీళ్ల సమస్య ఉంది. డ్రైనేజీలు సరిగా లేవు. కాంగ్రెస్ ప్రభుత్వం ముఖ్యంగా మహిళలకు ఇస్తామన్న రూ. 2500 ఇవ్వాలి. కాంగ్రెస్ ప్రభుత్వం వచ్చాక మహిళలపై దురాగతలు, మర్డర్లు పెరిగాయి. ఖమ్మంలో సాదినేని రంగారావును హత్య చేశారు. అదే విధంగా హైదరాబాద్ లో ఓ మైనార్టీ కుర్రాడిని రీల్స్ చేస్తే ఏదో చేశాడంటూ అరెస్ట్ చేశారు. అతన్ని విపరీతంగా కొట్టటంతో అతని వెన్నపూస పనిచేయకుండా అయ్యింది. వీటిపై ఫిర్యాదు చేయాలని భావిస్తే డీజీపీ కనీసం అపాయింట్ మెంట్ కూడా ఇవ్వలేదు. హైదరాబాద్ లో ముఖ్యంగా కుక్కలు, క్రైమ్, గంజాయి, డ్రగ్స్ సమస్య భారీగా పెరిగింది. 

మహిళలు బయటకు రావాలంటే భయపడే పరిస్థితి వచ్చింది. క్రైమ్, డ్రగ్స్ ను నివారించకపోతే ప్రభుత్వం ఉన్నా కూడా లేనట్లే. క్రైమ్, డ్రగ్స్ నివారణపై ప్రభుత్వం వెంటనే దృష్టి పెట్టాలని డిమాండ్ చేస్తున్నా.”

దాహం తీర్చకుండా ఆర్భాటాలా

” హైదరాబాద్ లో మెస్సీని తీసుకొచ్చి ఇంటర్నేషనల్ మ్యాచ్ ఆడిపిస్తున్నారు. హైదరాబాద్ ను ఇంటర్నేషనల్ బ్రాండ్ చేయాల్సిందే. కానీ పేదవాళ్లను కూడా పట్టించుకోవాలి.  పేదవాళ్లను పట్టించుకోకుండా చేసే కార్యక్రమం సరికాదు. 

హైదరాబాద్ లో చెత్త పేరుకుపోయింది. హైదరాబాద్ లో కనీసం మంచినీళ్లు ఇవ్వలేకపోతున్నారు. మంచి నీళ్లు కూడా ఇవ్వకుండా గ్లోబల్ సిటీ ఎలా అవుతుంది? ముందు హైదరాబాద్ ప్రజలకు మంచి నీళ్లు ఇవ్వాలి. కనీసం నీళ్లు, డ్రైనేజీ, కనీస సౌకర్యాలు లేకుండా ఉండటం బాధాకరం.”

దర్గా, గోశాల సందర్శన

జాగృతి జనంబాటలో భాగంగా నగరంలో పర్యటిస్తున్న కవిత లంగర్ హౌస్ లోని దర్గాను సందర్శించి చాదర్ సమర్పించారు. అనంతరం జియాగూడ గోశాలను సందర్శించి గోవులకు ఆహారం అందజేశారు.

The post ఆటోవాలాలకు ప్రోత్సాహమేది..? appeared first on Telangana Jagruthi.

కార్వాన్ లో జాగృతి జనంబాట

మూసీ రివర్ ఫ్రంట్ పేరిట ప్రపంచ బ్యాంకు నిధులతో నదిని సుందరీకరించే ముందు మూసీ పరీవాహక ప్రాంతాలను అభివృద్ధి చేయాల్సిన అవసరముందని తెలంగాణ జాగృతి అధ్యక్షురాలు కల్వకుంట్ల కవిత అన్నారు. కార్వాన్ నియోజకవర్గంలో జాగృతి జనంబాట కార్యక్రమంలో భాగంగా జియాగూడ స్లాటర్ హౌస్ ను ఆమె సందర్శించారు. స్లాటర్ హౌస్ ను ఆధునీకరించడం వల్ల పరిసర ప్రాంతాలు ఆరోగ్యంగా ఉంటాయని చెప్పారు.

“జియాగూడ స్లాటర్ హౌస్ కు వస్తుంటే కరన్ సింగ్ రోడ్డు నుంచి ఇక్కడి వరకు రోడ్డు మీదనే మేకలు అమ్ముతున్నారు. ఇక్కడి 100 ఫీట్ల రోడ్డును దేని కోసమో తవ్వి వదిలేశారు. ఇప్పుడు ఆ వైపే రోడ్డు లేకుండా పోయింది. ఇదే రోడ్డులో జడ్జిలు, లాయర్లు పోతుంటారు. అట్లాంటి రోడ్డులో కూడా కనీస సౌకర్యాలు లేవు. ఓ వైపు మూసీ బఫర్ జోన్ పేద ప్రజల, ఇటు వైపేమో సరైన సౌకర్యాలు లేవు. దీని మీద ప్రభుత్వం కచ్చితంగా దృష్టి పెట్టాలి.”

“అదే విధంగా మనం హైయ్యెస్ట్ మీట్ ఈటర్స్. మన సంస్కృతి లో అది భాగం. అరె కటిక వాళ్లతో పాటు చాలా మంది అనేక కులాల వాళ్లు ఈ వ్యాపారం చేసుకుంటున్నారు. వారికి సంబంధించి మోడ్రన్ స్లాటర్ హౌస్ లు రావల్సిన అవసరముంది. తెలంగాణ వచ్చిన తర్వాత కొన్ని మోడ్రన్ స్లాటర్ హౌస్ లు కట్టుకోవటం జరిగింది. కానీ ఏషియా బిగ్గెస్ట్ మండిలో మాత్రం స్లాటర్ హౌస్ లు కట్టుకోలేకపోయాం. దాని కోసం రూ. 56 కోట్లు సాంక్షన్ అయ్యాయంట. ఎంత ఖర్చు అయినా సరే స్లాటర్ హౌస్ లు కట్టాల్సిందే. ఇక్కడ వానాకాలం వస్తే పరిస్థితి భయంకరంగా ఉంటున్నది. నేను కొన్ని వీడియోలు కూడా చూశాను. మంచి స్లాటర్ హౌస్ లు నిర్మిస్తే వ్యాపారం చేసే వాళ్లంతా కూడా మార్కెట్ లోకి వస్తారు. రోడ్ క్లియర్ అవుతోంది. మూసీ రివర్ ఫ్రంట్ అంటూ ప్రభుత్వం వరల్డ్ బ్యాంక్ నుంచి వేల కోట్ల రూపాయలు తెచ్చే ప్రయత్నం చేస్తున్నది. అలా బ్యూటిఫికేషన్ ఇక్కడ జరగాలంటే మోడ్రన్ స్లాటర్ హౌస్ లు రావాలి.”

The post మోడ్రన్ స్లాటర్ హౌస్ నిర్మించాలి appeared first on Telangana Jagruthi.